Tilkynning um skuld við ríkissjóð
Í kjölfar álagningar lögaðila á framtal 2023, vegna rekstrarársins 2022, er mörgum fyrirtækjum að berast ábendingar á Ísland.is um gjaldfallna skuld við ríkissjóð sem er komin í innheimtu.
Hver er skuldastaðan?
Stöðu skuldar við ríkissjóð er hægt að fletta upp á
mínum síðum á Ísland.is undir Fjármál > Staða.
Skoða
stöðuna
Tilkomu skuldar vegna skattframtals 2023 má finna á álagningarseðli sem er aðgengilegur á þjónustuvef Skattsins.
Skoða álagningarseðil
Á eftir að skila framtalinu eða var því skilað seint?
Eigi eftir að skila framtali er best að ljúka því af sem fyrst. Berist það fyrir 30. nóvember verður það tekið fyrir sem kæra.
Leiðrétt skuldastaða
skilar sér þegar framtal hefur verið afgreitt. Þangað til má gera
greiðsluáætlun til að lækka greiðslubyrði.
Skila framtali
Gera greiðsluáætlun og dreifa greiðslunum
Hægt er að dreifa greiðslum á lengra tímabil með því
að gera greiðsluáætlun. Hún er gerð til að lækka mánaðarlega greiðslubyrði, en á
móti kemur hærri vaxtakostnaður. Greiðsluáætlanir eru gerðar á mínum síðum
á Ísland.is.
Nánari upplýsingar
um greiðsluáætlanir
Beðið eftir niðurstöðu kæru skattframtals
Mögulegt er að eftir að kæra hefur verið afgreidd komi skuld til með að hverfa að fullu eða mestu leiti. Þau sem eru í þessari stöðu geta gert greiðsluáætlun til að fá frest á innheimtu. Þegar niðurstöður kæru liggja fyrir kemur í ljós hvort of mikið eða of lítið hafi verið greitt.
Nánari upplýsingar
Allar nánari upplýsingar um innheimtu opinberra gjalda veitir þinn innheimtumaður. Fyrir fólk og fyrirtæki á höfuðborgarsvæðinu eru það þjónustufulltrúar Skattsins. Annarstaðar á landinu er það viðkomandi sýslumaður.
