Töluverður fjöldi mála hér á landi í tengslum við alþjóðlega aðgerð
Tollgæslan og Lyfjastofnun voru meðal þátttakenda í alþjóðlegri aðgerð Europol sem beindist að ólöglegum lyfjum og steratengdum efnum og bar nafnið Shield III. Alls tóku 28 ríki þátt í aðgerðinni sem stóð yfir í átta mánuði á árinu 2022.
Á meðan á aðgerðinni stóð nutu
embættin aðstoðar tengslafulltrúa Íslands hjá Europol. Töluverður fjöldi smærri
mála kom upp hér á landi í tengslum við aðgerðina. Á meðal þess sem lagt var hald á
hér á landi voru steratengd efni, rislyf og svokölluð „smart-drugs“.
Á alþjóðavísu var lagt hald á lyf að andvirði rúmlega 40 milljón evra auk þess sem 349 einstaklingar voru handteknir eða tilkynntir til yfirvalda.
Lesa nánar í fréttatilkynningu Europol vegna Shield III aðgerðar: Authorities take medicines and doping substances worth over EUR 40 million off the market | Europol (europa.eu)
Tollgæslustjóri veitir ekki frekari upplýsingar um málið.
