Fríverslunarsamningur við Úkraínu undirritaður
Ráðherrar frá aðildarríkjum Fríverslunarsamtaka Evrópu EFTA, Íslands, Liechtenstein, Noregs og Sviss og Úkraína undirrituðu í gær fríverslunarsamning.
Samningurinn var undirritaður á fundi EFTA ríkjanna sem nú stendur yfir í Reykjavík. Samningnum er ætlað að auka efnahagsleg tengsl og stuðla að aukinni verslun og fjárfestingum á milli samningsaðila.
Samningurinn öðlast gildi eftir að hann hefur verið fullgiltur.
