Kílómetragjald - Rangt skráningarnúmer ökutækis í stafrænu pósthólfi á Ísland.is
Komið hefur í ljós ritvilla í fyrirsögn reikninga vegna kílómetragjalds sem birtir voru í stafrænu pósthólfi á Ísland.is um helgina.
Villan kemur fram hjá afmörkuðum hópi gjaldenda og snýr einungis að fyrirsögn reikninga í pósthólfinu. Reikningur Skattsins vegna kílómetragjaldsins er réttur og á honum kemur fram rétt skráningarnúmer ökutækis og rétt fjárhæð.
Ekki þarf að bregðast við enda villan aðeins í fyrirsögninni, innheimtunni er beint að réttum aðila og einungis vegna hans eigin ökutækja.
Beðist er velvirðingar á þeim óþægindum sem þessi ritvilla kann að hafa valdið.
