Skatturinn hlýtur viðurkenningu Jafnvægisvogarinnar 2021
Annað árið í röð er Skatturinn meðal þeirra fyrirtækja, sveitarfélaga og stofnanna sem hljóta viðurkenningu Jafnvægisvogarinnar, sem Félag kvenna í atvinnulífinu (FKA) veitir.
Jafnvægisvogin er hreyfiaflsverkefni Félags
kvenna í atvinnulífinu og var veitt viðurkenning til 38 fyrirtækja, sjö
sveitarfélaga og átta opinberra aðila úr hópi þeirra sem hafa undirritað
viljayfirlýsingu og tóku þátt í könnun um aðgerðir sem gripið var til. Markmið
Jafnvægisvogar um 40/60 kynjahlutfall í efsta stjórnendalagi var haft til
hliðsjónar við matið.
Hjá Skattinum er unnið eftir jafnréttisstefnu sem sett hefur verið og hefur embættið hlotið jafnlaunavottun. Í framkvæmdastjórn Skattsins sitja 12 manns, þar af sex konur.
