Breytingar á tollskrá, aðflutningsgjöldum o.fl.
Almennt gildir að breytingarnar taka til allra vara sem ótollafgreiddar eru 1. janúar 2017 nema annað sé tekið fram.
Almennt gildir að breytingarnar taka til allra vara sem ótollafgreiddar eru 1. janúar 2017 nema annað sé tekið fram.
Ábendingar
Útflutningur - Um útflutning gildir: Í útflutningsskýrslu skal nota tollskrárnúmer, skilmála þess og tollafgreiðslugengi sem í gildi er tollafgreiðsludag útflutningsskýrslunnar, en þó skal aldrei miða við nýrri dag en brottfarardag vörusendingar frá Íslandi, sem útflutningsskýrslan tekur til. Sama gildir þegar leiðrétta eða breyta þarf útflutningsskýrslum eftir tollafgreiðslu.
Innflutningur - Þegar leiðrétta eða breyta þarf aðflutningsskýrslum vegna þegar tollafgreiddra innfluttra vörusendinga, t.d. vegna of- eða vangreiddra gjalda, þá bera þær leiðréttingar aðflutningsgjöld skv. tollskrá, lögum og reglugerðum sem í gildi voru tollafgreiðsludaginn eða e.a. bráðabirgðatollafgreiðsludaginn og nota skal tollafgreiðslugengi þess dags. Tollskrárnúmer, skilmálar þeirra, gjöld og tollafgreiðslugengi innfluttra hraðsendinga miðast við þann dag þegar tollgæsla veitti leyfi til að afhenda sendinguna innanlands (langoftast komudagur sendingar til landsins).
Á vef Tollstjóra má skoða annarsvegar tegundir tolla og hinsvegar önnur aðflutningsgjöld og taxta þeirra fyrir og eftir 1. janúar með því að velja viðeigandi viðmiðunardagsetningu. Ennfremur fást upplýsingar um tollskrárnúmer, tolla og gjöld á þeim o.fl. í tollskránni á vef Tollstjóra.
1. Breyting á tollskrá
2. Lækkun tolla á vörum í tollskrárnúmerum sem heyra undir 25. til 97. kafla
3. Lækkun tolla á vörum í tollskrárnúmerinu 2005.2003
4. Hækkun magntolls (A1) á vörum í tollskrárnúmerum í 4. kafla tollskrár
5. Kolefnisgjöld á eldsneyti, K* gjöld, hækka
6. Vörugjald af bensíni, LB gjald, hækkar
7. Sérstakt vörugjald af eldsneyti, C1 og C2 gjöld, hækka
8. Olíugjald, C3 gjald, hækkar
9. Áfengisgjöld, VX, VY og VZ, hækka
10. Tóbaksgjöld, innflutningur til einkanota, T1 og T2 hækka
11. Úrvinnslugjöld, B* gjöld, breytast
12. Flutningsjöfnunargjöld á olíuvörum (eldsneyti), J* gjöld, taxtar breytast
13. Breytingar á gjalddögum uppgjörstímabila vegna skuldfærslu aðflutningsgjalda við tollafgreiðslu; fyrirkomulag fært til fyrra horfs frá og með 1. janúar 2017
14. Undanþáguheimild, VSKÖT undanþágukódi, lækkun virðisaukaskatts á rafmagns-, vetnis- eða tengiltvinnbifreiðum, framlengd til 31. desember 2017
15. Reglugerðir um tollkvóta
16. Lokun á sjálfvirkri EDI/VEF-tollafgreiðslu
Tollskrárlyklar til nota í tollskýrslugerðarhugbúnaði
Tollskrárlyklar, sem taka gildi 1. janúar 2017 vegna tollafgreiðslu, verða aðgengilegir hér á vef Tollstjóra 30. desember 2016.
Sérstaklega er bent á að nauðsynlegt er að sækja einnig svokallaða hlutfallstöflu BV og BX úrvinnslugjalda af pappa, pappírs- og plastumbúðum. Sjá nánar vefsíðu tollskrárlykla.
